ឃាត់ខ្លួនចោរឆក់ទូរស័ព្ទ បានម្នាក់ក្នុងចំណោមបក្សពួក២នាក់
22-April-2016 | ដោយ មែន កំសត់
ភ្នំពេញ ៖ នៅវេលាម៉ោង៦និង១៧នាទីល្ងាច ថ្ងៃទី២១ ខែមេសានេះ ស្ថិតនៅចំណុចមុខផ្ទះលេខ១៥៣ ផ្លូវលេខ២៨៩ ក្រុមទី២ ភូមិទី១៣ សង្កាត់បឹងកក់១ ខណ្ឌទួលគោក រាជធានីភ្នំពេញ មានករណីចោរឆក់យកទូរស័ព្ទពីស្ត្រីម្នាក់ដែលកំពុងជិះម៉ូតូ។ ប្រភពពីសមត្ថកិច្ចបានបញ្ជាក់ថា មុនពេលកើតហេតុ គេបានឃើញស្ត្រីរងគ្រោះជិះម៉ូតូម៉ាកវ៉េវ ពណ៌ក្រហមមួយគ្រឿងទំនងទើបមកពីខេត្ត លុះមកដល់ចំណុចកើតហេតុក៏បានដកទូរសព្ទ័ម៉ាកសាំសុង ហ្គាឡាក់ស៊ីថេប បម្រុងហៅទូរស័ព្ទទៅបងស្រី ។
ស្ត្រីរងគ្រោះដកទូរស័ព្ទមិនទាន់បានទាំងនិយាយផង ក៏លេចមុខជនសង្ស័យ២នាក់មកឆក់យកទូរស័ព្ទភ្លាមៗបានសម្រេច ។ ឃើញសភាពបែបនោះ អ្នកក្បែរៗនោះបានស្រែកថាចោរ ទើបនគរបាលប៉ុស្ដិ៍ សង្កាត់ទួលសង្កែ មកអន្តរាគមន៍ភ្លាមៗ ហើយចាប់បានជនសង្ស័យម្នាក់ និងម៉ូតូមួយគ្រឿង ដែលជិះធ្វើសកម្មភាព រីឯម្នាក់ទៀតរត់គេចខ្លួនបាត់ស្រមោល ។ ជនសង្ស័យដែលចាប់ឃាត់ខ្លួនបានមានឈ្មោះ ចាន់ រិទ្ធី ឈ្មោះហៅក្រៅ ខ្មៅ ភេទប្រុស អាយុ២៧ឆ្នាំ រស់នៅផ្ទះជួលផ្លូវលំ ភូមិទួលគោក សង្កាត់ទួលសង្កែ ខណ្ឌឬស្សីកែវ ។ ក្រោយពេលកើតហេតុ សមត្ថកិច្ចបានឃាត់ខ្លួនជនសង្ស័យ នាំទៅកាន់ប៉ុស្ដិ៍នគរបាល សង្កាត់ទួលសង្កែ ដើម្បីកសាងសំណុំរឿងដោះស្រាយតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ18101
- ម្សិលមិញ15681
- សប្តាហ៍នេះ76941
- ខែនេះ98821
- ឆ្នាំនេះ98821
- សរុប20541277